Azərbaycan, Bakı, 21 iyul /Trend/
İstanbulun Bosfor boğazı sahillərində gəmi XIX əsrə aid villaya çırpılıb.
Trend-in "Anadolu" agentliyinə istinadən verdiyi məlumata görə, "Majed and Randy" adlı gəmi Syerra-Leone bayrağı altında üzüb.
106 metrlik gəminin 1860-cı ilə aid tikiləyə çırpılması nəticəsində villanın fasadı dağılıb.
İdarəetməni itirmiş gəminin törətdiyi qəza nəticəsində heç kəs xəsarət almayıb. Gəminin də zərər gördüyü bildirilir.