Bakı. Trend:
Əqli mülkiyyət hüququnun qorunması da Ombudsman Aparatının fəaliyyət istiqamətləri arasındadır.
Trend xəbər verir ki, bunu Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva “Əqli mülkiyyət müasir mərhələdə” mövzusunda “Dəyirmi masa”da çıxışı zamanı deyib.
Onun sözlərinə görə, əqli mülkiyyət hüququnun qorunmasında mədəniyyət formalaşmalıdır.
“Əqli mülkiyyət hüququ anlayışının təbliği istiqamətində maarifləndirmə işləri aparılır. Bu anlayışın cəmiyyət tərəfindən anlaşılması, əqli mülkiyyət mədəniyyətinin formalaşması üçün işlər aparılmalıdır”, -deyə S.Əliyeva qeyd edib.
Qeyd edək ki, bugün “Əqli mülkiyyət müasir mərhələdə” mövzusunda “Dəyirmi masa” keçirilib. Dəyirmi masada ölkəmizin dövlət orqanlarının rəsmiləri, millət vəkilləri, elm və təhsil müəssisələrinin əməkdaşları, sahə üzrə mütəxəssislər və digər şəxslərin iştirak ediblər.