Azərbaycan və Gürcüstan regiondakı hərbi-siyasi vəziyyəti müzakirə edib

Azərbaycan, Bakı, 21 noyabr /Trend, müxbir İlkin İzzət/

Noyabrın 21-də Azərbaycan Respublikasının Müdafiə naziri general-polkovnik Zakir Həsənov Gürcüstanın ölkəmizdəki fövqəladə və səlahiyyətli səfiri cənab Teymuraz Şaraşenidzeni qəbul edib. Bu barədə Trend Müdafiə Nazirliyinin rəsmi saytına istinadən məlumat verib.

Görüşdə regiondakı hərbi-siyasi vəziyyət və qarşılıqlı maraq doğuran digər məsələlər ətrafında fikir mübadiləsi aparılıb.

Görüşdə Gürcüstan Silahlı Qüvvələrinin ölkəmizdəki hərbi attaşesi polkovnik Şalva Turaşvili iştirak edib.