18-21 oktyabrda Düşənbədə MDB üzvü ölkələri Sərhəd qoşunları komandanları Şurasının 54-cü iclası keçiriləcək.MDB-nin İcra komitəsində Trend ə bildirilib ki, iclasın gündəliyinə təxminən 15 məsələ daxildir.
MDB ölkələri sərhəd qoşunlarının rəhbərləri Birlik çərçivəsində əməkdaşlığın perspektivlərini müzakirə edəcək.Xüsusilə milli məlumat bazalarının formalaşdırılması və sərhədlərin qeyri-qanuni keçilməsi faktlarının qarşısının alınması və xəbərdarlıq üzrə dövlətlərarası informasiya mübadiləsinin təşkili məsələləri, qeyri-qanuni silah, narkotik vasitələr və psixontrop maddələr, eləcə də nüvə tullantıları tranzitinin qarşısının alınması üzrə tədbirlərin gücləndirilməsinə dair ümumi əsasnamə layihəsi nəzərdən keçiriləcək.
İclasıni gündəliyinə həmçinin qeyri-qanuni miqrasiyanın tənzimlənməsi, cinayət yolu ilə əldə olunmuş gəlirlərin qanuniləşdirilməsinin (yuyulmasının) və terrorizmin maliyyələşdirilməsinin qarşısının alınması kimi məsələlər də daxildir.
Azərbaycanı iclasda Dövlət sərhəd xidmətinin rəisi Elçin Quliyev təmsil edəcək.