Bakı. Trend:
İraqın Mosul şəhərinin İŞİD terror təşkilatından azad edilməsi üzrə əməliyyatlar davam edir.
Trend-in "Haber7" qəzetinə istinadən verdiyi məlumata görə, beynəlxalq koalisiya qüvvələrinin komandanlarından olan ABŞ generalı Qeri Voleski bildirib ki, İŞİD rəhbərlərinin Mosuldan çıxması barədə xəbərlər var. Terror təşkilatının lideri Əbu Bəkr əl-Bağdadinin isə harada olduğu bilinmir.
Bundan başqa, İraqdakı "Peşmərgə" qüvvələri Mosulun Naveran bölgəsində İŞİD-ə məxsus pilotsuz uçuş aparatını vurub.
Səhər saatlarında isə "Peşmərgə" 3 qəsəbəni İŞİD-dən təmizləyib.