Azərbaycan, Bakı, 31 mart / Trend , müxbir K.Zərbalıyeva/
Azərbaycan paytaxtında ağır yol qəzası olub.
Daxili İşlər Nazirliyinin mətbuat xidmətinin çərşənbə günü yaydığı məlumata görə, martın 30-da saat 01:00 radələrində, Əzizbəyov rayonu Pirallahı qəsəbəsi ərazisində, qəsəbə sakini Fəxrəddin Əhmədov "Fiat" markalı avtomaşını idarə edərkən onu ağaca vurub.
Nəticədə, Əhmədov hadisə yerində ölüb, xəsarət almış sərnişinlər - oğlu Ramin, həmyerliləri Fərhad Məmmədov, Kamran Umudov və Hüseyn Əliyev isə xəstəxanaya yerləşdiriliblər.
Faktla bağlı Əzizbəyov Rayon Polis İdarəsində cinayət işi başlanıb.