Azərbaycan, Bakı, 16 sentyabr /Trend, müxbir K.Zərbalıyeva/
Təfəkkür Universiteti prorektorunun müavininin qətli ilə bağlı cinayət işi başlanıb.
Bakının Yasamal rayon prokurorluğundan Trend-ə verilən məlumata görə, faktla bağlı Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb.
Qətlin kim tərəfindən və hansı zəmində baş verdiyi hələlik məlum deyil.
Bu gün səhər saatlarında Şərifzadə küçəsi, 8 ünvanında Tariyel Əhmədovun meyiti aşkar olunub.
Ekspertizanın ilkin rəyinə görə, Əhmədovun başında xəsarətlər aşkar edilib və onun bu xəsarətlərdən öldüyü məlum olub.