Azərbaycan, Bakı, 2 iyun /Trend, müxbir K.Zərbalıyeva/
İrandan Azərbaycana gələn şəxsin düz bağırsağında 30 qramdan artıq narkotik vasitə aşkarlanıb.
Dövlət Gömrük Komitəsindən Trend-ə verilən məlumata görə, Biləsuvar Gömrük Sərhəd Buraxılış Məntəqəsində İrandan Azərbaycana piyada gələn Azərbaycan vətəndaşı Haqverdiyev Nazim İsa oğlu üzərində şəxsi yoxlama aparılıb.
Yoxlama zamanı onun daxili orqanı - düz bağırsağından, gömrük nəzarətindən gizlədilmiş, selofana bükülərək qablaşdırılmış 1 ədəd uzunsov bükümdə sellofan kəsiyinə bükülü, ümumilikdə 6 büküm olmaqla - 3 ədəd bükümdə ümumi xalis çəkisi 28,973 qram olan narkotik vasitə - tiryək, digər 3 ədəd bükümdə isə ümumi xalis çəkisi 12,117 qram olan psixatrop maddə - metamfetamin aşkar edilərək götürülüb.
Faktla bağlı cinayət işi başlanıb.