Bakı. Trend:
Sankt-Peterburqda "Lenfilm" kinostudiyasında yanğın baş verib.
Trend-in məlumatına görə, region fövqəladə hallar xidməti yanğının kinostudiyanın birmərtəbəli binasında baş verməsi barədə xəbər yayıb. Məlumata görə, yanğın 800 kvadrat metri əhatə edib.
Yanğın nəticəsində xəsarət alanlar olmadığı bildirilib.
Yanğının baş vermə səbəbləri hələ məlum deyil. Araşdırma başlayıb.