Rumıniya, Buxarest, 02 aprel/ Trend , müxbir Ü.Əliyev/ Azərbaycan prezidenti İlham Əliyev çərşənbə günü Buxarestdə Ermənistan -Azərbaycan Dağlıq Qarabağ münaqişəsinin həll edilməsi üzrə ATƏT-in Minsk Qrupunun həmsədrləri ilə məsləhətləşmələr aparıb. Görüşdə Ermənistan -Azərbaycan münaqişəsinin nizamlanmasının hazırki vəziyyəti üzrə rəy mübadiləsi aparılıb. Bu barədə Trend -un müxbiri Buxarestdən məlumat verib.
Azərbaycan prezidenti NATO-nun sammitində iştirak etmək məqsədilə aprelin 2-dən Rumıniyanın paytaxtındadır.
ATƏT-in Minsk Qrupunun Fransa, Rusiya və ABŞ-dan olan həmsədrləri Azərbaycan prezidenti, Ermənistanın yeni seçilmiş prezidenti Serj Sərkisyan, həmçinin, hər iki ölkənin XİN rəhbərləri ilə ayrı-ayrı məsləhətləşmələrin keçirilməsi üçün Buxarestə gəliblər.