Azərbaycan, Bakı, 17 iyul / Trend , müxbir K.Zərbalıyeva /
Ermənistan Silahlı Qüvvələrinin bölmələri iyulun 16-da saat 09.00-dan 09.23-dək Xocavənd rayonunun Kuropatkino kəndi yaxınlığında yerləşən mövqelərdən, saat 15.05-dən 15.15-dək və 19.30-dan 20.25-dək fasilələrlə Goranboy rayonu ərazisindəki adsız yüksəkliklərdə və Tapqaraqoyunlu, Gülüstan kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar. Bu barədə Azərbaycan Respublikası Müdafiə Nazirliyinin mətbuat xidmətindən məlumat verilib.
Bütün hallarda düşmən cavab atəşilə susdurulub.
İtki yoxdur.