Azərbaycan, Bakı, 28 aprel / Trend , müxbir N.Abbaslı, R.Hafizoğlu/ Türkiyədə "Türk-Ərəb" elm-mədəniyyət və incəsənət dərnəyi yaradılıb. "Əsas məqsədimiz Türk mədəniyyəti və incəsənətini ərəb ölkələrində tanıtmaqdır" - deyə dərnəyin sədri Məhəmməd əl-Adil Trend -a bildirib.
Əl-Adil dərnəyin ərəb ölkələrində və Türkiyədə yaşayan tanınmış incəsənət xadimlərini yaxınlaşdıracağını istisna etmir.
Dərnəyin gələcək fəaliyyəti haqqında açıqlama verən əl-Adil dərnəyin Azərbaycanla qurulacaq əlaqələrinə yüksək önəm verildiyini bildirib. "Biz Azərbaycan xalqının qonaqpərvərliyi, elm və təhsildəki nailiyyətləri ilə yaxından tanışıq"-deyə əl-Adil qeyd edib.
"Biz Azərbaycan xalqının yüksək istedada malik olduğunu bilirik. Elə bu səbəbdən də dərnəyin fəaliyyəti ilə bağlı ilk işləri qardaş Azərbaycanla əlaqələndirməyi qərara almışıq" - deyə Adil vurğulayıb.
Məqalənin müəllifi ilə [email protected] ünvanı ilə əlaqə saxlaya bilərsiniz.