İran, Tehran, 14 dekabr / Trend , müxbir İ.Səltənətpur/
Gələn il Azərbaycanda İran Mədəniyyəti Günləri, İranda isə Azərbaycan Mədəniyyəti Günləri keçiriləcək. Bunu bazar ertəsi Tehranda Azərbaycanın xarici işlər naziri Elmar Məmmədyarov deyib.
Məmmədyarov İranda rəsmi səfərdədir.
Bazar ertəsi Azərbaycan və İranın XİN rəhbərləri Cənubi Qafqazda vəziyyət və Dağlıq Qarabağ münaqişəsini, həmçinin ikitərəfli və regional əməkdaşlıq məsələlərinin geniş spektrlərini müzakirə ediblər.