Gürcüstan, Tbilisi, 9 iyul /Trend, müxbir N.Kirsxaliya/
ATƏT-in Parlament Assambleyasının Miqrasiya Komitəsi qaçqınların Gürcüstandan ayrılmış ərazilərə - Abxaziya və Cənubi Osetiyaya şərtsiz qayıtmasını nəzərdə tutan qətnaməni gözdən keçirib. Qətnamə ATƏT-in Parlament Assambleyasının Cənubi Qafqaz üzrə xüsusi nümayəndəsi Qoran Lenmarker tərəfindən irəli sürülüb.
Sənəd tərəfləri "təhlükəsizlik şəraitində qaçqın və məcburi köçkünlərin tezliklə könüllü surətdə öz yerlərinə qayıtması üçün yollar tapılması məqsədilə" əməkdaşlığa çağırır.
Qətnamə ATƏT-ə üzv olan əksər ölkələrin nümayəndələri tərəfindən dəstəklənib.