Azərbaycan, Bakı, 9 fevral /Trend/
ABŞ-ın yeni dövlət katibi Con Kerri ilk mətbuat konfransını keçirib. "Anadolu" agentliyinin yaydığı məlumata görə, jurnalistlərin Suriya ilə bağlı suallarını cavablandıran Con Kerri deyib ki, həddindən artıq ölüm və şiddət var.
"Əlbəttə, irəliləmək üçün yol tapmağa çalışırıq. Çox qarışıq və təhlükəli bir vəziyyətdir. Kimyəvi silahların varlığından da həyəcan keçiririk. Bunu deyə bilərəm ki, hazırda dəyərləndirmələr aparılır, şiddətin azaldılması və çıxış yolunun tapılması üçün başda diplomatik vasitələr olmaqla, bütün resurslar nəzərdən keçirilir" - deyə dövlət katibi bildirib.