Azərbaycan,Bakı/müxbir Trend S.Ağayeva/Ankarada gənclər siyasəti sahəsində Azərbaycan və Türkiyə arasında əməkdaşlıq perspektivlərini iki ölkənin gənclər və idman nazirləri Azad Rəhimov və Mehmet Əli Şahin müzakirə edib. Azərbaycanın Gənclər və İdman Nazirliyinin mətbuat xidmətinin rəhbəri Raqif Abbasovun məlumatına əsasən, görüş gənclər və mədəniyyət, gənclər və din məsələlərinə həsr olunmuş beynəlxalq simpoziumda iştirak çərçivəsində baş tutub.
Nazirlər gənclər siyasəti məsələlərini müzakirə edib, Türkiyə tərəfi Azərbaycanda Gənclər İli çərçivəsində keçiriləcək bu və digər tədbirlərə dəvət olunub. Abbasovun bildirdiyinə görə, simpozium çərçivəsində nazir Rəhimov həmçinin Avropa Birliyinin idman və gənclər departamentinin direktoru Ralf-Rene Veynqardnerlə və Avropa Gənclər Forumunun prezidenti Pekina Şvartsmeyerlə görüşüb və əməkdaşlıq məsələlərini müzakirə edib. Simpozium sabah başa çatır, bağlanış mərasimində Türkiyənin baş naziri Rəcəb Təyyib Ərdoğanın çıxışı gözlənilir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
