Azərbaycan, Bakı / Trend / Azərbaycan prezidenti İlham Əliyev Əlcəzair dövlətinin başçısı Əbdüləziz Buteflikaya başsağlığı göndərib. Başsağlığı məktubunda göstərilib ki, Azərbaycan Əlcəzairin paytaxtında çoxsaylı insan tələfatına səbəb olan partlayışlar törədilməsi xəbərini dərin kədər və hiddət hissi ilə qarşılayıb: "Biz terrorizmin bütün təzahürlərini qətiyyətlə pisləyir, belə dəhşətli cinayət əməllərinə qarşı mübarizədə birgə səylər göstərilməsini zəruri hesab edirik" - deyə Azərbaycan prezidenti bildirib.