Azərbaycan, Bakı /müx. Trend E.Hüseynov/ Azərbaycan və Koreya xarici işlər nazirləri aprelin 23-də Seulda danışıqlar keçiriblər. Bu barədə Koreyanın "Yonhap" agentliyi məlumat yayıb.
Elmar Məmmədyarovla Sonq Min-sun arasındakı danışıqlar Koreya Xarici İşlər Nazirliyində baş tutub. Bu danışıqlarda müxtəlif sahələrdə ikitərəfli əməkdaşlığın inkişaf perspektivləri müzakirə olunub.
Azərbaycan XİN rəhbəri prezident İlham Əliyevi Koreyaya rəsmi səfərində müşayət edən dövlət nümayəndə heyətinin tərkibinə daxildir.