Azərbaycan, Bakı/ Trend müxbir A.İsmayılova/ Azərbaycan prezidenti İlham Əliyev çərşənbə günü Bakıda bəyan edib ki, Azərbaycan və Belarus arasındakı münasibətlər ciddi əməkdaşlıq səviyyəsinə daxil olur.
Aleksandr Lukaşenko ilə birgə mətbuat konfrasında Əliyev bildirib ki, ölkələr yanacaq-energetika istiqamətində danışıqlar aparır və bu məsələyə ümumi bir yanaşma var. "Azərbaycan karbohidrogen ehtiyyatlarının iri ixracatçısına çevrilir. Buna görə də diversifikasiya tədarükündə əməkdaşlıq planı təbii ehtiyatlarımızın daha effektiv istifadəsində həmişə bizim üçün daha əhəmiyyətlidir" - deyə Əliyev bildirib.
O qeyd edib ki, energetika sahəsində əməkdaşlıq barədə siyasi razılıq var. Hazırda mütəxəssislər bunun iqtisadi səmərəliliyini araşdırmalıdırlar. Əgər bu qarşılıqlı fayda verə biləcəksə, ölkələr bu planda fəal əməkdaşlığa başlayacaqlar.
Əliyev qeyd edib ki, Belarus şirkətlərinin Azərbaycanın neft yataqlarına böyük marağı var: "Biz bunu təqdir edirik və onların Azərbayacanın neft layihələrində iştirakı ilə bağlı məsləhətləşmələr aparılır".
O deyib ki, ötən ilin payızında Belarusa rəsmi səfəri zamanı prezidentlər tərəfindən qarşıya qoyulmuş tapşırıqların ilkin nəticələri görünməkdədir.
Prezident Lukaşenko da öz növbəsində Bakı səfəri və Azərbaycan prezidenti barədə öz müsbət rəyini bildirib. "Azərbaycan prezidenti həmişə fikrini açıq bildirir. Mən çox şadam ki, bu cür insan mənim ən yaxın dostum Heydər Əliyevin ən müsbət keyfiyyətlərinin varisidir" - deyə Belarus prezidenti bəyan edib.
Belarus prezidenti əlavə edib ki, Azərbaycan və Belarus arasında əməkdaşlıq sahəsində qapalı mövzular yoxdur: "Azərbaycan özünə Avropanın mərkəzində yaxşı dayaq, biz isə Cənubi Qafqazda yaxşı etibarlı dost tapmışıq. Bizim münasibətlərimiz bütün mənfi siyasi amillərdən kənardır. Bizim irəli hərəkət etmək üçün hər şeyimiz var".
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
