Azərbaycan, Bakı, 10 dekabr / Trend , müxbir M. Əliyev/
Bakı Şəhəri üzrə Təhsil İdarəsi 151 saylı orta məktəbin direktoruna məktəbli formasının məcburi şəkildə satılması ilə bağlı sonuncu xəbərdarlıqla şiddətli töhmət verib.
Təhsil Nazirliyinin mətbuat xidmətindən bildiriblər ki, noyabr ayı ərzində "qaynar xətt" xidmətinə 151 saylı orta məktəbdə məktəbli formasının məcburi şəkildə satılması ilə bağlı iki anonim şikayət daxil olub. "Şikayət edən valideynin kimliyi müəyyənləşdirildikdən sonra məktəbdə araşdırma aparılıb və şikayətin doğru olduğu aydınlaşdırılıb", - Təhsil Nazirliyindən bildirilib.
Noyabr ayında Bakı şəhərinin ümumtəhsil məktəblərindən 18 müraciət daxil olub, onların əksəriyyəti (17-si) sorğu, məlumat və anonim xarakterlidir.
Sorğular əsasən olimpiadaların keçirilməsi, imtahanlara hazırlıq, uşaq bağçaları, müəllimlərin işə qəbulu ilə bağlıdır. Şikayətlər daha çox məktəblərin istilik sistemi ilə təchizatı barədədir.
Məqalə müəllifi ilə əlaqə ünvanı: [email protected]