Bakı. Trend:
Gəncə şəhərində ümummillli lider Heydər Əliyevin anadan olmasının 93-cü ildönümü münasibətiylə ulu öndərin abidəsi ziyarət olunub, xatirəsi ehtiramla yad edilib.
Trend Kəpəz TV-yə (Region TV) istinadən xəbər verir ki, şəhər ictimaiyyətinin nümayəndələri Nizami Məqbərə Kompleksi və Heydər Əliyev parkının ərazisində yaşıllaşdırma aksiyasında iştirak ediblər.
Park və xiyabanlar da daxil olmaqla şəhərin küçə və prospektlərində 10 min 500 ağac və gül kolları əkilib. Ağaclara aqro-texniki qulluq göstərilib.
Bu günə kimi Gəncədə Heydər Əliyevin xatirəsinə ümumilikdə 82 min 500 ağac əkilib.
