Azərbaycan, Bakı /müxbir Trend İ.Əlizadə/ Fevralın 23-də Prezident yanında Əfv Komissiyasının növbəti iclası keçirilib. Bu barədə Trend ə eksklüziv açıqlamasında Əfv Komissiyasının üzvü Zəlimxan Yaqub məlumat verib.
Z.Yaqub qeyd edib ki, iclasda komissiyaya daxil olan müraciətlərə baxılıb.
"Əfv Komissiyası iclaslarını davam etdirəcək", - deyə komissiya üzvü bildirib.
Onun sözlərinə görə, komissiyanın tez-tez iclas keçirməsi qarşıdan gələn bayramlarla bağlıdır. Mart ayında əfv fərmanının imzalanıb-imzalanmayacağına gəlincə, komissiya üzvü deyib ki, bu prezident İlham Əliyevin səlahiyyətinə daxil olan məsələdir.
Onun sözlərinə görə, Əfv Komissiyasına xeyli sayda müraciət daxil oldub.