Azərbaycan,Bakı/müxbir Trend S.Ağayeva/Qafqaz Müsəlmanları İdarəsinin (QMİ) rəhbəri Şeyxülislam Hacı Allahşükür Paşazadə Rusiya və Azərbaycan arasında ikitərəfli münasibətlərin inkişafına mühüm tövhəsinə, sivilizasiyalararası dialoqun qurulmasında fəal roluna, həmçinin regionda sülh və sabitliyin bərqərar edilməsində göstərdiyi səylərə görə Rusiya prezidenti Vladimir Putinin sərəncamı ilə "Dostuq" ordeni ilə mükafatlandırılıb.
Rusiya Federasiyasının ali ordenini Şeyxülislama çərşənbə axşamı Bakıda Rusiya XİN rəhbəri Sergey Lavrov təqdim edib.
"Birlik və dini dəyərlər Rusiya və Azərbaycan xalqlarını yaxınlaşdırır" - deyə Lavrov mərasimdə bildirib. Onun sözlərinə görə, bir çox dini konfessiyaların yaşadığı Rusiya dini dözümlülük və tolerantlığı möhkəmləndirmək üçün əlindən gələni əsirgəməyəcək.
Rusiyanın XİN rəhbəri Azərbaycan və Rusiyanın ümumi səylərinin Qafqazda və bütün dünyada sulhün və sabitliyin tamamilə bərpa olunmasına gətirib çıxaracağına əminliyini bildirib.
QMİ rəhbəri yüksək mükafata görə nazir Lavrova minnətdarlığını bildirərək, onu din xadimlərinin hər zaman bütün dünyada sülh və sabitliyə nail olmaq üçün siyasətçilərlə bir yerdə olacağına əmin edib.
Qafqaz müsəlmanlarının dini lideri həmçinin iki dövlət başçısının ikitərəfli münasibətlərin inkişafı və möhkəmləndirilməsinə istiqamətlənmiş səylərinin Dağlıq Qarabağ münaqişəsinin sülh yolu ilə həllinə xidmət etməsinə əminliyini bildirib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
.jpg)
