Bakı. Trend:
Türkiyə Superliqasının 26-cı turu çərçivəsində bu gün keçirilməli olan "Qalatasaray" - "Fənərbağça" oyunu təxirə salınıb.
Trend-in məlumatına görə, bu qərara səbəb mümkün terror təhlükəsi olub. Oyunun hansı vaxta keçiriləcəyi hələ dəqiqləşdirilməyib.
Xatırladaq ki, bu qərardan əvvəl İstanbul polisi derbi oyununun azarkeşlərin iştirakı olmadan keçirilməsi qərarına gəlib. "Qalatasaray" klubu isə Türkiyə Futbol Federasiyasına oyunun təxirə salınması barədə müraciət edib. Nəticədə İstanbul valiliyi matçı ertələyib.
Qeyd edək ki, ötən gün İstanbulda terror aktı törədilib.