Bakı. Trend:
UEFA-nın ayırdığı maliyyə vəsaiti “Qarabağ” futbol klubunun hesabına köçürülüb.
Trend-in AFFA-ya istinadən verdiyi məlumata görə, “Qarabağ”ın UEFA Avropa Liqası turnirinin qrup mərhələsindəki çıxışı zamanı əldə etdiyi nəticələrlə bağlı (iki qələbə, 1 heç-heçə) Avropa futbol qurumu tərəfindən ayrılmış 980 000 (doqquz yüz səksən min) avro maliyyə vəsaiti AFFA-nın vasitəçiliyi ilə “Qarabağ” klubunun hesabına köçürülüb.