Azərbaycan, Bakı, 22 iyul/ Trend , müxbir İ.Xəlilova/ Son 12 ay ərzində Azərbaycanın bank sisteminin depozit bazası 63 faiz artıb. Son üç-dörd il ərzində isə, artım templəri, orta hesabla, 67-68 faiz civarında dəyişir. Bu barədə çərşənbə axşamı AMB İdarə Heyətinin sədr müavini Rüfət Aslanlı məlumat verib. 2008 -ci il iyunun 1-nə olan vəziyyətə əsasən, hüquqi və fiziki şəxslərin banklardakı depozitlərinin həcmi 3857,8 mln. təşkil edib. Bunun 1 603,3 mln. manatı əhalinin əmanətlərinin payına düşür.
Bank depozitlərinin belə artımı üçün bir neçəamil var. Birinci növbədə bu, bank sisteminə etibarın bərpa olunması ilə bağlıdır ki, bu da bank sektorundan zəif bankların aradan qaldırılması ilə müşahidə olunur. Bu proses, bank sektorunun restrukturlaşdırılması proqramı çərçivəsində, 2000 -ci ildən başlayıb və 30-dan artıq bank bazardan çıxarılıb. Bununla yanaşı, bank nəzarətinin beynəlxalq standartlarla uyğun vəziyyətə gətirilməsi üzrə tədbirlər aparılır. 2003 - cü ildə BMK və DB -nin ekspertləri tərəfindən aparılan Azərbaycanın maliyyə sisteminin qiymətləndirilməsinin yekunları üzrə onun beynəlxalq standartlara uyğun olması təsdiqlənib.
İkincisi, "Banklar haqqında" 2004 -cü ildə qüvvəyə minən yeni Qanunda bank fəaliyyətinin bütün elementləri əks olunub: bank bazarına daxil olmaq, lisenziyalaşdırma prosesi, cari fəaliyyət, problemli banklarla iş, əhalinin və sərmayədarların maraqlarının müdafiəsi. Aslanlı hesab edir ki, bütün bu tədbirlər bank sektoruna etibarı artırır.
"Bununla əlaqədar, əhali fəal şəkildə öz vəsaitlərini bank sisteminə yatırmağa başlayıb. Lakin əvvəllər o, bu sistemə etibar etmirdr", - AMB İdarə Heyətinin sədr müavini qeyd edib.
Onun rəyinə görə, bank depozitlərinin hazırki artımı bu vəsaitlərin yatırılması ilə bağlı deyil və əhalinin gəlirlərinin artması və vəsaitlərin toplanılması üzrə potensialın artması ilə müşahidə olunur.
Əhalinin yatırımlarının yüksək templərlə bank sisteminə axması pozitiv prosesdir. Bu, banklara azad vəsaitləri kreditlərə ehtiyac olan sahələrə yatırmağa imkan verir. Makroiqtisadi tənzimləmə çərçivəsində bu proses AMB -nin imkanlarını da artırır;dövriyyədə olan qanuni vasitələr maliyyə sistemindən kənarda pul ehtiyatlarına nisbətən sikkə tənzimləməsi alətlərinə daha çox meyllidir.
İyulun 22-n olan cari məzənnə - 0,8048 AZN/USD.
Müəlliflə əlaqə saxlamaq üçün elektron ünvan: [email protected]
