Azərbaycan, Bakı. 26 iyul / Trend , müxbir E.İsmaylov/ Azərbaycan Nəqliyyat nazirliyi Ələt qəsəbəsində tikintisi nəzərdə tutulan yeni beynəlxalq dəniz limanının layihə işlərinə hazırlığı başlayır. Bu barədə Trend a nəzirliydən bildiriblər.
Limanın tikintisinə bu ilin sonunda ї 2009-cu ilin əvvəlndə başlamaq nəzardə tutulub. İlkin qiymətləndirmələrə əsasən, liman $396 milyon, neft terminalı ilə isə $450 milyondan artıq dəyərləndirilib. Lakin son məlumatlara əsasən, ilkin mərhələnin tikintisi əvvəllər planlaşdırılan $225 milyondan $300 milyonadək artıb.
Limanın tikintisi üç mərhələdə planlaşdırılır. Birinci mərhələ 2008-2011-ci illəri, ikinci 2011-2013-cü illəri, üçüncü isə 2013-2015-ci illəri əhatə edəcək. Onların hər birində quru yüklər üçün meydançanın, konteyner terminalının və böyük park kimi müəyyən infrastrukturların yaradılması planlaşdırılıb.
Hökumət infrastrukturun yaradılmasını öz vəsaitləri hesabına həyata keçirmək niyyətindədir. Lakin işin 80 faizi xarici sərmayələr hesabına maliyyələşə bilər. Layihənin maliyyələşdirilməsinə Asiya İnkişaf Bankı, Avropa yenidənqurma və inkişaf bankı, Dünya Bankı, Amerika bankları və b. maraq göstərir.
Məqalə müəllifi ilə əlaqə ünvanı: [email protected]
