Azərbaycan, Bakı, 07 dekabr / Trend , müxbir Ü.İsmayılova/
Proqram təminatı sahəsində piratlığın səviyyəsi Azərbaycanda 92 faizdən 90 faizədək azalıb. Bu barədə bazar ertəsi "Müəllif hüquqları və rəqəmsal şəbəkə: piratlığa qarşı mübarizə və bununla əlaqədar problemlər" beynəlxalq seminarı zamanı Müəllif Hüquqları Agentliyinin sədri Kamran İmanov bildirib.
"Audio-video məhsulllar bazarında mülkiyyət hüquqlarının pozulması səviyyəsi 77-78 faiz təşkil edir", - İmanov deyib.
Onun sözlərinə görə, Azərbaycanda kitab nəşri sahəsində naşirlərin 50 faizinin hüququ pozulur.
"Azərbaycanın Müəllif Hüquqları Agentliyi bundan sonra da ölkədə intellektual müllkiyyət hüquqlarını pozanlarla ciddi mübarizə aparmaq niyyətindədir", - İmanov deyib.
Məqalə müəllifi ilə əlaqə ünvanı: [email protected]