Azərbaycan, Bakı, 18 dekabr / Trend /
Azərbaycanın Nəqliyyat Nazirliyi və Koreyanın Beynəlxalq Əməkdaşlıq Agentliyi (KOICA) Bakı buxtası üzərindən körpünün inşası layihəsinin texniki-iqtisadi əsaslarının (TİƏ) hazırlanması üzrə danışıqların başlanmasına dair protokol imzalayıblar, nazirliyin məlumatında deyilir.
Buxta üzərindən körpünün inşası layihəsinin məqsədi - Bakının nəqliyyat infrastrukturunun təkmilləşdirilməsi, Koreya təcrübəsinin dəniz körpüləri və yolların inşasında tətbiqi hesabına Azərbaycan mütəxəssislərinin təcrübəsinin artırılmasıdır.
KOICA bu layihə üzrə TİƏ-nin hazırlanmasına 1,6 milyon dollar ayırıb. İlkin qiymətləndirilmələrə görə, buxta üzərindən körpünün inşasının dəyəri 1 milyard dolları ötür.