Azərbaycan, Bakı, 12 yanvar / Trend , müxbir Ü.İsmayılova/
Azərbaycan və İngiltərənin birgə sığorta şirkəti olan "Temza Sığorta Qrupu"nun 2009-cu ilin fəaliyyət yekunu üzrə haqları 0,925 milyon manat təşkil edib ki, bu da inişillə müqayisədə 41,8% azdır, şirkətin idarə heyətinin sədiri Samir Mustafayev çərşənbə axşamı deyib.
"Şirkətin bu dövr ərzində ödəmələri 0,75 milyon manat təşkil edib", - Mustafayev deyib.
Onun sözlərinə görə, keçən il şirkətin haqlarının böyük hissəsi yüklərin sığortalanmasının, tibbi sığorta və avtomobil sığortasının hesabına toplanıb.
"Şirkət 2010-cu ildə 1,2 milyon manat haqq yığmağı planlaşdırır", - Mustafayev deyib.
"Temza Sigorta Qrupu" Azərbaycanın sığorta bazarında 1996-cı ildən fəaliyyət göstərir. Britaniya şirkəti olan "Glencarron Group Limited" şirkətin nizamnamə kapitalında 49% iştirak payına malikdir. Azərbaycanın iştirak payı yerli fiziki şəxsə və hüquqi şəxsə (Gala Investment) məxsusdur.
Şirkətin nizamnamə kapitalı 900 min manat təşkil edir.
"Temza Sigorta Qrupu" 2004-cü ildə Qırğızıstanda "Anglo-Kyrgyz Insurance Company" sığorta şirkətinin təsisçisi olub. Hazırda "Temza Sigorta Qrupu" xaricdə törəmə şirkətinin təsisçisi rolunu yerinə yetirən yeganə sığorta şirkətidir.
Yanvarın 12-nə olan rəsmi məzənnə 0,8029 AZN/USD təşkil edir.