Azərbaycan, Bakı, 19 mart / Trend , müxbir N.İsmayılova/
Azərbaycanda 2010-cu il yanvar-fevral aylarında korporativ qiymətli kağızların dövriyyəsi 52,16 milyon manat təşkil edib ki, bu da 2009-cu ilin müvafiq dövründəki göstəricidən 54,3 faiz azdır. Bu barədə Qiymətli Kağızlar üzrə Dövlət Komitəsindən məlumat verilib.
Bu dövr ərzində bağlanan sazişlərin sayı 399, 2009-cu ilin yanvar-fevral aylarında isə 731 olub.
Hesabat dövrü ərzində səhmlərin dövriyyəsi 22,77 milyon manat təşkil edib, bu da 2009-cu ilə olan göstəricidən 5 faiz aşağıdır. Bununla yanaşı, səhmlərin ilkin bazarının həcmi 74 faiz, Bakı Fond Birjasında yerləşdirilən səhmlərin təkrar bazarının həcmi isə 91 faiz azalıb. Birja xarici əməliyyatların həcmi isə 90 faiz azalıb.
Korporativ istiqrazların dövriyyəsi 13,4 dəfə artaraq 29,4 milyon manat təşkil edib. Bu göstəricinin artımının əsasını 6,8 dəfə səviyyəsində olan korporativ istiqrazların təkrar bazarında manatla birja əməliyyatlarının sayının artımı təşkil edib.
Dövlət qiymətli kağızlar bazarının dövriyyəsi cari ilin yanvar-fevral aylarında 222,8 milyon manat təşkil edib ki, bu da 2009-cu lin analoji dövründə olan göstəricidən 7 dəfə azdır.
Dövlət istiqrazları bazarının həcmi 81 faiz azalaraq 33,7 milyon manat təşkil edib. Ölkənin Mərkəzi Bankının not bazarı isə 85 faiz azalaraq 29,58 milyon manat təşkil edib.
REPO və əks REPO əməliyyatları 159,5 milyon manat azalaraq 86 faiz təşkil edib.
Martın 19-na olan rəsmi məzənnə 0,8033 AZN/USD təşkil edir.
