Azərbaycan, Bakı, 5 mart /Trend/
Azərbaycan Sənaye Bankı 8 mart - Beynəlxalq Qadınlar Günü və Novruz bayramı münasibətilə bayram xərclərinin qarşılanması üçün sərfəli şərtlərlə bayram krediti kampaniyasını elan edir.
Bankdan bazar ertəsi Trend-ə verilən məlumata görə, martın 20-dək davam edəcək kampaniya çərçivəsində 12 ay müddətinə 2000 manatadək kreditlər təklif olunur. Bayram kreditinin ən cəlbedici özəlliyi ondan ibarətdir ki, bu kredit illik 14%-lə, üstəlik heç bir bank xərci və komissiya haqqı olmadan təqdim olunur. Sadəcə şəxsiyyət vəsiqəsi, iş yerindən arayış və 1 zamin təqdim olunmaqla kredit əlavə xərc olmadan təqdim edilir.
Bayram krediti kampaniyasından faydalanmaq istəyənlər əlavə məlumatı www.bayramkrediti.az saytından, krediti isə ən yaxın filialdan əldə edə bilərlər.