Azərbaycan, Bakı, 9 oktyabr /Trend/
"Xalq Bank" müştərilərin rahatlığı üçün yeni xidməti - "Cash-in" tipli bankomatı qoşub.
Bankdan çərşənbə axşamı Trend-ə verilən məlumata görə, indi "Xalq Bank"ın bütün plastik kart müştəriləri banka gəlmədən, gunün istənilən vaxtında 24/7 rejimində işləyən "Cash-in" tipli bankomat vasitəsilə manat və ABŞ dolları valyutalarında karta pul mədaxil edə, həmçinin bankın kredit kart müştəriləri kart üzrə kredit borclarını ödəyə bilərlər.
"Cash-in" tipli bankomatın ən vacib üstünlüklərindən biri pul vəsaitlərinin bankın iş rejimindən asılı olmayaraq həmin anda müştərinin kartına keçirilməsidir.
"Cash-in" tipli bankomat "Xalq Bank"ın baş ofisində, İnşaatçılar pr., 22L ünvanında yerləşir.