Azərbaycan, Bakı, 27 fevral /Trend, müxbir E.İsmayılov/
Bakı Metropoliteninin tunellərində iqlim şəraitini normativ göstəricilərə uyğunlaşdırmaq məqsədilə 10 ventilyator yenisi əvəz olunub. Bu barədə Trend çərşənbə günü Bakı Metropliteninin saytına istinadən məlumat verir.
Məlumata görə, gücün artırılması məqsədilə 6 ventilyatorda rotorlar dəyişdirilib.
"Tam yeni quraşdırılan ventilyatorlar, eləcə də rotoru yeniləşdirilmiş ventilyatorlar əvvəlkilərə nisbətən daha məhsuldardır", - məlumatda qeyd edilir.
1998-ci ildə metropolitendəki 61 ventilyatordan ancaq 20-si işləyirdi. Cəmi 5-6 il ərzində demək olar ki, bütün nasaz hava qurğuları təmir olunub, istifadəyə verilib. Amma bəzi ventilyatorların yeniləri ilə əvəzlənməsi vaxtı da çatmışdı.