Azərbaycan, Bakı, 11 iyun /Trend, müxbir A.Axundov/
Dünya Bankının (DB) vitse-prezidenti Yoahim fon Amsberq Azərbaycana rəsmi səfərə gələcək. Bu barədə çərşənbə axşamı Trend-ə DB-nin Bakı nümayəndəliyindən bildiriblər.
Nümayəndəlikdən deyiblər ki, iyunun 14-15-də Bakıda olacaq Y.Amsberq Beynəlxalq İnkişaf Assosiasiyasının (BİA) güzəştli maliyyələşdirilmə məsələsinə və işinə nəzarət edir.
Bankdan bildiriblər: "Azərbaycan 300 milyon dollar ayırmaqla BİA-nın borcunun yarısını vaxtından əvvəl ödəyib. Səfərin məqsədlərindən biri də bu işdə ölkə hökumətinin xidmətinin tanınmasıdır".
DB-nin vitse-prezidenti Maliyyə Nazirliyində, Mərkəzi Bankda və Nazirlər Kabinetində görüşlər keçirəcək.