...

ƏDV uçotundan çıxarılmış vergi ödəyicilərinin sayı 4341 olub

Biznes və iqtisadiyyat xəbərləri Materials 16 Avqust 2006 17:40 (UTC +04:00)

İyul ayı ərzində ƏDV uçotundan çıxarılmış vergi ödəyicilərinin sayı daha 17 nəfər artıb. İyunda isə bu rəqəm 31 idi. Vergilər Nazirliyindən Trend ə verilən məlumata əsasən, avqustun 1-nə olan vəziyyətə görə, nazirlik 4 341 vergi ödəyicisini ƏDV uçotundan çıxarıb. Onların siyahısı nazirliyin saytında yerləşdirilib ki, büdcə təşkilatları və dövlət müəssisələri onların hesab-fakturalarını qəbul etməsin. Bu şəxslərin hesab faktura əsasında əməliyyat həyata keçirdiyi aşkarlandıqda, onlara qarşı maliyyə sanksiyaları tətbiq olunacaq.

Bu tədbirlər ƏDV vergi ödəyicilərinin qeydiyyata alınmasının mürəkkəbləşdirilməsi və borcu olanlarla mübarizə ilə bağlıdır. Yanvarda, araşdırmaların birinci mərhələsində və vergi müəssisələri tərəfindən görülən tədbirlər nəticəsində qanunsuz fəaliyyət göstərən 1436 nəfər aşkarlanıb. Bu gün təxminən 10 min ƏDV ödəyicisi qeydə alınıb. Nəzarətin gücləndirilməsi çərçivəsində 2006-cı il iyulun 1-dən respublikada Maliyyə Nazirliyi tərəfindən sifariş olunmuş hesab-fakturaların mərkzləşdirilmiş qaydada tədbiqinə başlanıb.

Bu, uçotun aparılma qaydasını asanlaşdıracaq və ödəmələrin yayındırılmasının qarşısını alacaq.

2001-2005-ci illərdə ƏDV ödənişindən yayındırılmış məbləğin ümumi həcmi təxminən 17 trln. köhnə manat təşkil edib. Bu dövriyyə vergi orqanlarının məlumat bazasının köməyilə aşkarlanıb. Nəticədə 3,132 trln. köhnə manat həcmində olan vəsaitin dövlət büdcəsindən yayındırılmasının qarşısı alınıb.

Xəbər lenti

Xəbər lenti