Azərbaycan, Bakı / Trend / Cümə günü ARDNŞ-dən verilən məlumata görə, 2007-ci ilin yanvar-sentyabr aylarında ARDNŞ, əməliyyat şirkətləri (ƏŞ) və birgə müəssisələr (BM) ölkənin dəniz və quru
yataqlarında 6611,29 min ton neft hasil edib ki, bu da 2006-cı ilin analoji dövrünün göstəricisindən 124,41 min ton (1,8%) azdır.
ARDNŞ-nin NQÇİ tərəfindən quru və dəniz yataqlarında neft hasilatı 2007-ci ilin yanvar-sentyabr aylarında 5724,36 mln. ton təşkil edib ki, bu da ötən ilin göstəricisindən 118,3 min ton (2%) azdır. Yanvar-sentyabr ayları ərzində xarici şirkətlər BM və ƏŞ çərçivəsində 886,93 min ton neft hasil edib ki, bu da 2006-cı ilin analoji dövrünün göstəricisindən 6,11 min ton azdır.
Yanvar-sentyabr ayları ərzində Azərbaycanda ümum qaz hasilatı 7286,66 mln. kubmetr təşkil edib ki, bu da ötən ilin analoji dövrünün göstəricisindən 2291,06 mln. kubmetr ( və ya 45,9%) çoxdur. Yanvar-sentyabr ayları ərzində ARDNŞ NQÇİ-inin payına 4157,84 mln. kubmetr qaz hasilatı düşür ki, bu da 2006-cı ilin göstəricisindən 1129,57 mln. kubmetr çoxdur.
Azərbaycan Beynəlxalq Əməliyyat Şirkəti (ABƏŞ) yanvar-sentyabr aylarında "Azəri-Çıraq-Günəşli" yatağında 2022,86 mln. kubmetr qaz hasil edib ki, bu da ötən ilin analoji dövrünün göstəricisindən 9,9% çoxdur.
Azərbaycanda 57 neft-qaz yatağı var ki, bunların 18-i dənizdə, qalanları quruda yerləşir. ARDNŞ-nin əməkdaşlarının sayı 59170 nəfər təşkil edir.
Azərbaycanda yanvar-sentyabr ayları ərzində neft və qaz hasilatının ümumi cədvəli:
| Neft(min ton) | sentyabr | Yanvar - sentyabr | ||
| 2007 | 2007 | 2006 | % | |
| Ümumi | 726,39 | 6611,29 | 6735,70 | 98,2 |
| NQÇİ ARDNŞ | 629,20 | 5724,36 | 5842,66 | 98,0 |
| BM və ƏŞ | 97,19 | 886,93 | 893,04 | 99,3 |
| Qaz(mln. m3) | ||||
| Ümumi | 742,94 | 7286,66 | 4995,60 | 145,9 |
| NQÇİ ARDNŞ | 498,85 | 4157,84 | 3028,27 | 137,3 |
| BM və ƏŞ | 10,03 | 107,05 | 87,96 | 121,7 |
| ABƏŞ ARDNŞ üçün | 100,18 | 2022,86 | 1840,92 | 109,9 |