Azərbaycan, Bakı, 21 dekabr / Trend , müxbir E.İsmayılov/
Yanvar-noyabr aylarında "QazTransOyl" SC magistral neft kəməri sistemi üzrə ötən ilin analoji dövründəki 43,3 milyon tona nisbətdə təxminən 46,4 milyon ton neft nəql edib. Bu barədə SC-nin rəsmi saytında yerləşdirilmiş məlumatda deyilir.
"QazTransOyl" magistral neft kəməri sistemi üzrə qaz dövriyyəsi yanvar-noyabr aylarında 2008-ci ilin analoji dövründəki 29,6 milyard ton kilometrə nisbətdə 30,6 milyard ton kilometr təşkil edib.
11 ay ərzində "Atırau-Samara" məntəqəsi üzrə "Uzen-Atırau-Samara" neft kəməri ilə Rusiya, Ukrayna və Belarusun boru kəmərləri sistemləri üzrə gələcək tranzit üçün ötən ilin analoji dövründəki 15,3 milyon tona nisbətdə təxminən 16 milyon ton neft ötürülüb.
Yanvar-noyabr aylarında "Atırau-Samara" net kəməri üzrə yükboşaltmanın həcmi ötən ilin analoji dövründəki təxminən 5,6 milyon tona nisbətdə 7 milyon tondan çox təşkil edib.
Yanvar-noyabrda Qazaxıstan ərazisində yerləşən "TON-2" (Tuymaz-Omsk-Novosibirsk) neft kəməri sahəsi üzrə Rusiya neftinin tranziti ötən ilin analoji dövründəki 4,5 milyon tona nisbətdə 4,8 milyon tondan çox təşkil edib.