Azərbaycan, Bakı, 11 fevral /Trend/
Qazax rayonunun qaz təchizatında məhdudiyyətlər olacaq.
Trend "Azəriqaz" İstehsalat Birliyinə istinadən məlumat verir ki, təmir işləri ilə əlaqədar olaraq fevralın 12-də saat 11:00-dan 18:00-dək "Qazaxbəyli" avtomatik qazpaylayıcı stansiyasından təbii qaz təchizatı dayandırılacaq.
Təmir işləri aparılan müddətdə Qazax rayonunun Qazaxbəyli, Aşağı Salahlı, Orta Salahlı və Daş Salahlı kəndlərinə təbii qazın verilişində fasilələr yaranacaq.