Azərbaycan və Ukrayna prezidentləri İlham Əliyev və Viktor Yuşenko Ukraynada yanacaq doldurma stansiyalar şəbəkəsinin yaradılması imkanlarını müzakirə edib.
Trend in UNİAN-a istinadən xəbər verdiyi kimi, bu barədə jurnalistlərə Ukrayna prezidenti azərbaycanlı həmkarı ilə Kiyevdə görüşdən sonra bildirib.
Görüş zamanı müzakirə olunan məsələlərdən söz açan V.Yuşenko deyib: "Biz həmçinin, Ukrayna ərazisində Azərbaycan istehsalçılarının da maraqlarının təmsil olunduğu yanacaq doldurma stansiyalar şəbəkəsinin təşkili haqqında danışdıq".
O, bu kontekstdə əldə olunmuş razılaşmanı qeyd edərək bildirib ki, bu işlə 3 gündən sonra yaradılacaq və artıq həm ekspert, həm də peşəkar səviyyədə layihələr hazırlayaraq gerçəkləşdirilmək üçün hər iki ölkə prezidentinə təqdim edən müvafiq işçi qrupu bu işlə məşğul olacaq.