Türkiyə prezidenti ölkədə keçirilən bələdiyyə seçkilərinə münasibət bildirərək, son sözü xalqın deyəcəyini bildirib. Bu haqda Türkiyənin CİHAN informasiya agentliyi məlumat verib.
"Hər kəs demək istədiyini deyib. Son söz isə xalqın olacaq", - deyə Abdullah Gül bildirib.
Türkiyə prezidenti Cankaya orta məktəbində həyat yoldaşı Xeyrunnisa Gül ilə birlikəd səs verib.
Bu gün Türkiyədə bələdiyyə seçkilərinə səsvermə başlayıb. Seçkilərdə 48 milyon 6 min 650 seçicinin iştirak edəcəyi gözlənilir.
Seçkilərdə əsasən hakim Ədalət və İnkişaf Partiyası (AKP), Milliyyətçi Hərəkat Partiyası (MHP) və Cümhuriyyət Xalq Partiyası (CHP) arasında mübarizə gedir.