Azərbaycan, Bakı, 5 fevral /Trend, müxbir R.Hafizoğlu/
"Apple" Türkiyədə aksessuarların istehsalına başlamağı planlaşdırır. Bunu "Apple" şirkətinin baş direktoru Tim Kuk Türkiyə Prezidenti Abdullah Güllə görüşü zamanı bildirib. Trend-in məlumatına görə, bu barədə çərşənbə günü Türkiyənin "Sabah" qəzeti xəbər yayıb.
Kukun sözlərinə görə, həmçinin bu ilin aprelində "Apple" şirkəti İstanbulda dünyada ən böyük satış mərkəzini açacaq.
Türkiyə Prezidenti ilə görüş zamanı ölkədə informasiya texnologiyaları sahəsində imkanlar da müzakirə olunub.