Bakı. Trend:
Liviya sahillərində qayığın qəzaya uğraması nəticəsində ən azı 8 miqrant ölüb.
Trend-in AFP agentliyinə istinadən verdiyi məlumata əsasən, daha 50 nəfər itkin düşüb, onların arasında uşaq da var.
Sağ qalanların sözlərinə görə, hava ilə doldurulan qayıqda 140-150 nəfər olub.
Beynəlxalq Miqrasiya təşkilatının hesablamalarına görə, 2017-cı ildə Avropaya 171 min miqrant daxil olub. Onların əksəriyyəti Afrika qitəsinin təmsilçisidir (Eritreya, Qvineya, Kot-Divuar və Qambiya). Ötən il 3 mindən çox insan qeyri-qanuni yolla Avropaya keçməyə cəhd edərkən Aralıq dənizində həyatını itirib.