Bakı. Trend:
ABŞ prezidenti Co Bayden Ukrayna, İsrail və digər milli təhlükəsizlik tədbirləri üçün milyardlarla dollar vəsaitinin ayrılması xahişini müzakirə etmək üçün çərşənbə günü Ağ Evdə konqres liderləri ilə görüşəcək.
Trend-in məlumatına görə, bu barədə "The Hill" qəzeti xəbər verib.
"Sabah prezident əlavə milli təhlükəsizlik xahişinin kritik əhəmiyyətini müzakirə etmək üçün Senat və Nümayəndələr Palatasının konqres liderlərini, həmçinin əsas komitə rəhbərlərini və yüksək səviyyəli üzvlərini Ağ Evdə qəbul edəcək", - deyə Ağ Evin mətbuat katibi Karin Jan-Pyer bildirib.
Tədbirdə Senat çoxluğunun lideri Çak Şumer, Senatda azlıqların lideri Mitç Makkonnell, Nümayəndələr Palatasının spikeri Mayk Conson və Nümayəndələr Palatasında azlıqların lideri Hakim Cefrisin iştirakı gözlənilir.