Bakı. Trend:
Pakistanda qəzaya uğramış təyyarənin bütün sərnişinləri həlak olub.
Trend-in "RİA Novosti"yə istinadən verdiyi məlumata görə, KİV-in açıqladığı sərnişinlərin siyahısına əsasən, ölənlər arasında 32 kişi, 9 qadın və 2 uşaq olub. Həlak olanlardan 3-ü xarici vətəndaş olub, amma hansı ölkənin vətəndaşları olduqları bildirilmir.
Qeyd edək ki, təyyarə Xeybər-Paxtunxva əyalətinin Çitral şəhərindən ölkə paytaxtı İslamabada doğru hərəkətdə olub.