Azərbaycan, Bakı, 17 fevral /Trend/
Rusiya xarici işlər nazirinin müavini Qriqori Karasin Azərbaycanın bu ölkədəki səfiri Polad Bülbüloğlu ilə Rusiya-Azərbaycan münasibətlərinin aktual məsələlərini və qarşıdakı dövr üçün iki ölkənin xarici siyasət dairələrinin qarşılıqlı fəaliyyətini müzakirə edib.
Bu barədə Trend Rusiya Xarici İşlər Nazirliyinin rəsmi saytına istinadən məlumat verir.
Görüş zamanı, həmçinin Cənubi Qafqazdakı vəziyyətə dair fikir mübadiləsi aparılıb.