Azərbaycan, Bakı, 29 mart/Trend, müxbir İlhamə İsabalayeva/
Azərbaycanda yeni tədris ilindən inklüziv ibtidai təhsilin pilot modeli çərçivəsində tədrisə başlanılacaq.
Təhsil Nazirliyindən Trend-ə verilən məlumata görə, yeni dərs ilindən "İbtidai təhsil səviyyəsi üzrə inklüziv təhsilin tətbiqi" layihəsinə başlanılır.
"İbtidai təhsil səviyyəsi üzrə inklüziv təhsilin tətbiqi" layihəsi Təhsil Nazirliyi və BMT-nın Uşaq Fondu (UNİCEF) arasında 2014-cü il tarixində imzalanmış "2014-2015-ci illərə dair İllik Fəaliyyət Planı"na müvafiq olaraq əlilliyi olan sağlamlıq imkanları məhdud uşaqların ümumi təhsil müəssisələrinə inklüziv təhsilə cəlb olunmasını nəzərdə tutur.
Pilot layihə Nizami rayonu 220 nömrəli məktəb-lisey və Xətai rayonu 138 nömrəli orta məktəbdə həyata keçiriləcək. Pilot müəssisələrdə loqopedik xidmət yaradılacaq.