Oktyabrın 3-dək 26 vəkil lisenziya almaq üçün Azərbaycan Respublikası Vəkillər Kollegiyasına (VK) müraciət edib. Bu barədə Trend ə VK-dan məlumat verilib.
VK-ya sənəd təqdim edənlər pullu hüquqi xidmət göstərmək üçün Ədliyyə Nazirliyindən aldıqları lisenziyaların müddəti başa çatmış vəkillərdir. VK-dan o da bildirilib ki, sənədlərin qəbulu sentyabrın 1-dən başlayıb. VK vəkillərə sənəd qəbulu ilə bağlı vaxt məhdudiyyəti qoymayıb. Lisenziya müddəti başa çatmış bütün vəkillər istənilən vaxt sənədlərini təqdim edib yenidən lisenziya ala bilər. Bu şəxslərin hən hansı imtahandan keçirilməsi də nəzərdə tutulmayıb.