Bakı. Trend:
Bakı-2017 IV İslam Həmrəyliyi Oyunlarında voleybol yarışına da yekun vurulub.
Trend-in məlumatına görə, final görüşündə Azərbaycanın kişi voleybolçulardan ibarət millisi İran yığması ilə qarşılaşıblar.
Gərgin keçən oyunda iranlı voleybolçular qələbə qazanıblar - 0:3 (16:25, 27:29, 18:25)
Beləliklə, voleybol komandamız İslamiadanı ikinci pillədə başa vurub.
Qeyd edək ki, Bakı-2017 IV İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.