Bakı. Trend:
İspaniyanın Valensiya əyalətində sənaye kompleksində güclü partlayış baş verib.
Trend-in məlumatına görə, partlayış baş verdiyi zavodda xlor istehsal olunur.
Hadisə zamanı müəssisənin işçiləri təxliyyə edilib. Bir nəfər xəsarət alıb.
Daha sonra isə partlayış güclü yanğınla müşahidə olunub və qonşu binalara da keçib. Güclü külək və ətrafdakı kimyəvi məhsullar səbəbindən alovun qarşısını almaq çətinləşib. Hadisə nəticəsində 3 min nəfər ərazidən evakuasiya edilib.